அமீர்கான், சல்மான்கான் என்று கான்களிடையேயான கிசுகிசுக்கள் முடிந்து இப்போது புதிய காதல் கிசுகிசுவில் மாட்டியுள்ளார் அசின். கஜினி மூலம் இ...
அமீர்கான், சல்மான்கான் என்று கான்களிடையேயான கிசுகிசுக்கள் முடிந்து இப்போது புதிய காதல் கிசுகிசுவில் மாட்டியுள்ளார் அசின்.
கஜினி மூலம் இந்தியில் பரபரப்பானதுமே, அமீர்கானுடன் இணைத்துப் பேசப்பட்டார் அசின். ஆனால் அதை இருவரும் மறுத்தனர். பின்னர் லண்டன் டிரீம்ஸ் படத்தில் சல்மான்கான் ஜோடியானார். படப்பிடிப்பில் இருவரும் நெருக்கமாக பழகுவதாக கிசுகிசுக்கப்பட்டது. காதல் பரிசாக சல்மான்கான் மும்பையில் பங்களா ஒன்றை அசினுக்கு வாங்கி கொடுத்ததாகவும் செய்திகள் பரவின.
இப்படி குறுகிய நாட்களிலேயே சூப்பர் ஸ்டார்களுடன் ஜோடி போட்டு அவர்களை காதல் வலையிலும் வீழ்த்தியதாகவும் எப்போதும் மீடியாவின் பரபரப்பு பக்கத்தில் அசின் பெயர் இடம்பெறுவதாகவும் மும்பை நடிகைகளே பொறாமைப்படும் அளவுக்கு படு வேகமான வளர்ச்சியைச் சந்தித்தார் அசின்.
யார் கண் பட்டதோ தெரியவில்லை.. லண்டன் டீரிம்ஸ் படம் தோல்வி அடைந்ததால் இந்தியில் புதிய வாய்ப்புகள் இல்லாமல் போய்விட்டது அவருக்கு. பாலிவுட்டில் ஓடுகிற குதிரை மீதுதான் பணம் கட்டுவார்கள் என்பது அவருக்கும் தெரியும்தானே.. அதுதான் சுறாவுக்கு அடுத்து விஜய் நடிக்கும் படத்தில் 2 கோடி ரூபாய் சம்பளத்தை ஹீரோவின் பலத்த சிபாரிசுடன் வாங்கி நடிக்கக் காத்திருக்கிறார்.
இந்த நிலையில் அசினைப் பற்றி இன்னொரு காதல் கிசுகிசு பரவிவருகிறது. சூப்பர் ஸ்டார் நடிகர்களை விட்டு விட்டு, இந்தி நடிகர் நீல்நிதின்முகேஷுடன் அசின் பிசின்போல ஒட்டி வருவதாகக் கூறப்படுகிறது.. இருவரும் அடிக்கடி ஓட்டல்களில் ஜோடியாகக் காணப்படுவதாகவும், பின்னிரவு நேரம்வரை பார்ட்டிகளில் ஒன்றாக இருப்பதாகவும் பாலிவுட்டின் இரவு நேர செய்தியாளர்கள் தெரிவிக்கிறார்கள்..
Comments
Post a Comment