லிங்குசாமி தயாரிக்கும் படத்தில் பூபதி பாண்டியன் இயக்கத்தில் சிம்பு நடிப்பதாக இருந்தது. இந்நிலையில் அந்த படத்தை தானே இயக்குவதாக லிங்குசாமி அறிவித்தார். இப்போது, அந்த படத்தில் சிம்பு நடிக்கவில்லை என அவர் தெரிவித்துள்ளார். இதுபற்றி சிம்பு வெளியிட்ட அறிக்கை: செப்டம்பர் 1ம் தேதி முதல் என்னிடம் கால்ஷீட் இருப்பதையும் லிங்குசாமியிடம் தெரிவித்தேன். அப்படி இருந்தும் அவரது படத்தில் நான் இல்லை என்றும், இன்னொரு நடிகரை தேர்வு செய்வதாகவும் கூறியுள்ளார். இதற்கு நான் காரணம் என்பது போலவும் கூறியுள்ளார். இது முறையற்ற செயலாகும். இவ்வாறு சிம்பு தெரிவித்தார்.