மீடியா ஒன் குளோபல் என்டர்டெயின்மெண்ட் லிமிடெட் மற்றும் மெஜஸ்டிக் மல்டி மீடியா லிமிடெட் தயாரிக்கும் படம், 'சிக்குபுக்கு'. ஆர்யா, ஸ்ரேயா, ப்ரீத்திகா நடிக்கின்றனர். ஒளிப்பதிவு, ஆர்.பி.குருதேவ். வசனம், எஸ்.ராமகிருஷ்ணன். வாலி, பா.விஜய் பாடல்கள். இசை, ஹரிஹரன்&லெஸ்லி. கூடுதல் இசை, பிரவீன் மணி. கே.மணிகண்டன் இயக்குகிறார்.

இப்படத்தின் பாடல் மற்றும் டிரைலர் வெளியீட்டு விழா, சென்னை எக்ஸ்பிரஸ் அவென்யூ வளாகத்தில் ரசிகர்கள் முன்னிலையில் நடந்தது. விழாவில் ஆர்யா, ஹரிஹரன்&லெஸ்லி, சுவி, சுஜித் சுரேஷன், பிரவீன் மணி, எஸ்.ராமகிருஷ்ணன், ஜெகன், கே.மணிகண்டன், திங்க் மியூஸிக் ஸ்வரூப் ரெட்டி கலந்து கொண்டனர். தயாரிப்பாளர் சூரிய ராஜ்குமார் நன்றி கூறினார். சின்மயி நிகழ்ச்சியை தொகுத்து வழங்கினார். ரசிகர்களின் வேண்டுகோளுக்காக ஹரிஹரன் சில பாடல்களை பாடினார்.