சென்னை, ஜன.11: நெருங்கிய நண்பர்கள் என யாரும் இல்லை என்றார் இசையமைப்பாளர் இளையராஜா. சென்னை எம்.ஓ.பி. வைஷ்ணவா கல்லூரியில் திங்கள்கிழமை நடை...
சென்னை, ஜன.11: நெருங்கிய நண்பர்கள் என யாரும் இல்லை என்றார் இசையமைப்பாளர் இளையராஜா.சென்னை எம்.ஓ.பி. வைஷ்ணவா கல்லூரியில் திங்கள்கிழமை நடைபெற்ற "பொங்கல் திருவிழா'வில் பங்கேற்று மாணவிகளுடன் தனது கடந்த காலம் மற்றும் இசை அனுபவங்களை பகிர்ந்து கொண்டார்.என் நண்பன்...இசையும் காற்றைப் போல் தான். எப்போதும் நம்முடன் கலந்திருக்கிறது. காற்றை காற்றிலிருந்து பிரிக்க முடியுமா? 1968}ம் ஆண்டு சென்னை வந்ததிலிருந்து இன்று வரை நெருங்கிய நண்பன் என யாரும் இல்லை. ஆர்மோனியப் பெட்டிதான் என் நெருங்கிய, உயிர் நண்பன். இந்தப் பெட்டியோடுதான் நான் பேசி வருகிறேன். எப்பொழுதும் ஆர்மோனியப் பெட்டிதான் என் கூடவே வருகிறது. "பிச்சை பாத்திரம் ஏந்தி வந்தேன்...' என்ற பாடல் வரி கிடைக்க அதற்கு உருவம் கிடைத்த நேரம் அதிகாலை 3.புதுமை... பாடல் கேட்டு வருபவர்கள் அந்த படத்தில் வந்தது மாதிரி. இந்த பாடல் என்று குறிப்பிட்டுதான் கேட்கிறார்கள். "புதுமையாக வேண்டும்' என யாரும் கேட்பதில்லை. 787 படங்கள் முடித்தாகி விட்டது. எந்த இயக்குநரும் என்னிடம் புதுமையை நோக்கி வரவில்லை.ரமண மகரிஷி... தன் 16 வயதில் அனைத்தையும் துறந்து, யாரும் இல்லாமல் வேறு உலகத்துக்கு போனவர். அனைத்தையும் துறந்து, "தண்ணீரில் இறங்கி குளிக்கும் போது எந்த தண்ணீர் வந்து இந்த உடலை சுத்தப்படுத்தி விடப் போகிறது. இந்த உடலுக்கு குலம், ஜாதி என என்ன இருக்கிறது' என நினைத்தவர். ரிஷிதான் என்னைப் பிடித்து இயங்க வைக்கிறார். உடலில் இருக்கும் ஒவ்வொரு புலன்களுக்கும் இன்பம் இருக்கிறது. அறிவின் இன்பம் எது என்பதை அறிந்தவர் ரமண மகரிஷி. "அன்னக்கிளி'யின் பாடல்கள் ஹிட்டாகும் என எனக்குத் தெரியாது. அதற்கு இறைவன்தான் காரணம்.இன்றும் கற்கிறேன்... மதுரை வைகை அணை கட்டுகையில் கூலி வேலை செய்தபோது பாடிய பாடல்களிலிருந்து, தேவாரம் பள்ளியில் பாடியதில்...அண்ணன் பாவலருடன் திருவெறும்பூரில் பாடிய மாநாட்டு பாடல்... என வாழ்க்கையில் ஆயிரம் விஷயங்கள். சென்னை வரும் போது சங்கீத பாஷைகள் எதுவும் தெரியாது. இப்போதும் எதுவும் தெரியாது. இசையைப் பற்றி தெரியாமல் இருப்பதால்தான் இன்றும் கற்கிறேன்.இசை பல்கலைக்கழகம்... இந்திய இசையின் உருவம் வேறு. மேற்கத்திய இசையின் உருவம் வேறு. உலகத்தில் காலம்தான் பிரமாண்டமானது என சொல்லுவேன். ஒரு நொடியையும், மற்றொரு நொடியையும் பிரிக்க முடியாது. எல்லாவற்றையும் காலம்தான் சேர்த்து வைக்கிறது. சில குறிப்பிட்ட இசைகளால் எல்லாம் முடிந்து விடவில்லை. சில காலக் கட்டங்களில் உலக இசை மேதைகளை பற்றி தெரிந்துகொள்ள அவர்கள் வாழ்ந்த இடங்களுக்கு சென்றிருக்கிறேன். சுற்றிப் பார்த்திருக்கிறேன். இசை மேதை பீத்தோவனின் பியானோவை தொட்டுப் பார்த்திருக்கிறேன். ஆனால் நம் முன்னோர்களின் இசைக் கருவிகள் எங்கே போனது. இது பற்றி முதல்வரிடமும் பேசியிருக்கிறேன். இசைப் பல்கலைக்கழகம் பற்றியும் பேசியிருக்கிறோம். இருப்பதை உங்களுக்கு தந்து விட்டு போக வேண்டும் என்றுதான் நினைக்கிறேன்.
Comments
Post a Comment