மதுரையில் உள்ள செம்மண் பூமியையும், அதில் வசிக்கும் இளைஞர்களையும் பற்றிய படம் இது. வில்லனை எதிர்த்து நிற்கும் இளைஞர்களின் கதை அல்ல. உயிருக்கு பயந்து ஓடும் இளைஞர்களின் கதை.
ஹரீஷ், ராமகிருஷ்ணன், விக்ராந்த், ரகுவண்ணன், புதுமுகம் பிரகாஷ் ஆகிய 5 பேரும் கதையின் நாயகர்களாக நடித்துள்ளனர். இவர்களின் வாழ்க்கையில் நடைபெறும் சம்பவங்கள்தான் படத்தின் கதை.
பூங்கொடி, சுவாசிகா, ஜாகர்தி அகர்வால் ஆகிய மூன்று பேரும் கதையின் நாயகிகளாக வருகிறார்கள். இவர்களுடன் சிங்கம்புலி, ஜெகன்நாத், ரவிமரியா, நந்தா பெரியசாமி, மனோபாலா, ராஜ்கபூர் ஆகிய 6 டைரக்டர்களும் நடித்து இருக்கிறார்கள். பாலபரணி ஒளிப்பதிவு செய்ய, சபேஷ்-முரளி இசையமைக்கிறார்கள். கதை-திரைக்கதை-வசனம்-டைரக்ஷன்: ராசு மதுரவன்.
குளோபல் இன்போடெய்ன்மெண்ட் நிறுவனம் சார்பில் படம் தயாராகி இருக்கிறது.