கேரளாவில் சபரிமலைபோகும் வழியில் உள்ள அருவியில் ஷூட்டிங் நடந்தது. இடுக்குகள் நிறைந்த ஆழமான பள்ளம் நிறைந்த அருவி அது. பாடல் காட்சிக்காக அந்த அருவியில் குளிப்பதுபோல் விதிஷா நடித்தார். அப்போதே பாதுகாப்புக்கு 5 பேரை நியமித்து இருந்தோம். எதிர்பாராத விதமாக கால் தவறி விதிஷா அருவியில் விழுந்தார். உடனே மீட்பு குழுவினர் அவரை காப்பாற்றினர். நடுங்கிப்போன விதிஷா பயத்தில் அழத் தொடங்கிவிட்டார். மீண்டும் அக்காட்சியில் நடிக்க பயந்தார். 2 மணிநேரம் ஓய்வு கொடுத்து, மீண்டும் அக்காட்சியை படமாக்கினேன். வெறும் 5 நிமிட காட்சிதான் அது. அதற்குள் இப்படி நடந்துவிட்டது.