சென்னையில் நடந்து வரும் 'காவலன்' ஷூட்டிங்கில் இருக்கும் அசின் கூறியதாவது: டைரக்டர் சித்திக்கின் ரசிகை நான். தமிழில் அவர் இயக்கிய 'ப்ரண்ட்ஸ்' மற்றும் சில மலையாள படங்களை பார்த்து ரசித்திருக்கிறேன். 'பாடிகார்ட்' படத்துக்கு முதலில் என்னைத்தான் கேட்டார். இந்தியில் 'கஜினி', 'லண்டன் ட்ரீம்ஸ்' படங்களில் பிசியாக இருந்ததால், நடிக்க முடியவில்லை. தமிழில் அந்த படம் 'காவலன்' பெயரில் ரீமேக் ஆகிறது. சித்திக் டைரக்ஷனில் நடிக்கிறேன். இதற்காக 'பாடிகார்ட்' படத்தை பார்த்தேன். அதில் நயன்தாரா ஸ்டைலாக நடித்திருந்தார். விஜய்யுடன் நடித்த 'சிவகாசி', 'போக்கிரி' படங்கள் ஹிட்டானது. மீண்டும் அவருடன் இணைந்து நடிப்பது மகிழ்ச்சி.